نیپ پر عملدر آمد نہ ہونے سے صورتحال خراب ہوئی
تحریر: فضل حسین اعوان
| شائع فروری 24, 2017 | 10:23 صبح
کراچی (مانیٹرنگ رپورٹ) سابق صدر آصف زرداری کا کہنا ہے کہ آپریشن رد الفساد میں اہم کامیابیاں ملیں گی۔ نیشنل ایکشن پلان پر عملدر آمد کیا جاتا تو امن و امان کی صورتحال اتنی بدتر نہ ہوتی۔
تفصیلات کے مطابق بلاول ہاو¿س کراچی میں سابق صدر اور پیپلز پارٹی کے شریک چیئرمین آصف زرداری نے اپوزیشن لیڈر خورشید سے ملاقات کی۔ ملاقات میں ان کا کہنا تھا کہ دہشت گردی اس وقت خطرناک شکل اختیار کر چکی ہے۔ آپریشن رد الفساد سے کامیابیاں ملیں گی۔ سابق صدر کا کہنا تھا کہ اگر نیشنل ایکشن پلان پر عمل کیا
ہوتا تو آج امن و امان کی صورتحال ایسی نہ ہوتی۔ تمام امن پسند شہری دہشت گردی کے خلاف کیے جانے والے آپریشن کی حمایت کریں گے۔ اپوزیشن لیڈر خورشید شاہ کا کہنا تھا کہ پیپلز پارٹی نے ہمیشہ دہشت گردی کے خلاف آواز اٹھائی ہے۔ ذرائع کے مطابق پیپلز پارٹی کی اعلیٰ قیادت نے پاناما کیس کے محفوظ فیصلے سمیت دہشت گردی اور آپریشن رد الفساد سے متعلق تفصیلی تبادلہ خیال کیا۔
