نکا ضیاالحق:سیکولر لوک پاکستان چھڈ دین یا ٹھیک ہو جاون۔علی محمد خان پی ٹی آئی

2017 ,مارچ 24



لاہور (مانیٹرنگ رپورٹ)تحریک انصاف دے خیبر± ختونخوا توں ممبر اسمبلی اک ٹی وی شو وچ بھاشن دیندے ہوئے اوہی گل دہرائی جہیڑی جنرل ضیاالحق کردا رہندا سی۔ویسے پی ٹی آئی دے بیانیے وچ ڈی جے بٹ دی اونج ہی گنجائشاں ہوندیاں نیں جنج ضیالحقیاں وچ نجکاریاں پئی ایہہ پرائیوٹ سکول، کالج،ہسپتال سب ضیا دور دی دین ہے۔علی محمد خان پاکستان دے بنن دی اوہی وجہ دسدے نیں جہیڑی مولانا مودودی دس گئے سن۔کیسا تضاد سی کہ اک پاسے مولانا مودودی پاکستان بنن دے مخالف سن اتے انہاں دیاں لکھتاں ریکارڈ تے نیں اتے دوجے پاسے پاکستان بنن توں بعد جداں ریاست دے اک حصہ نے انہاں نوں اثاثہ ڈکلیر کر دتا تے انہاں آکھ دتا کہ پاکستان اسلام لئی بنایا گیا سی اتے ایہہ اک نظریاتی اسلامی ملک ہے۔اصل وچ1947وچ کانگرس تے انگریزاں نے پنجاب دی دھرمی ونڈ کروائی سی ایس تھیسس نال اوس ونڈ دا جواز فراہم کیتا جاندا ہے۔قائداعظم پنجاب تے بنگال دی ہندو، مسلمان تے سکھاں دی بنیاد تے کیتی جان والی دھرمی ونڈ دے حق وچ نہیں سن۔علامہ اقبال تے قائداعظم غیر مسلماں نوں بربر دا شہری سمجھدے سن اتے ایہو سیکولر گل ہے۔پی ٹی آئی والے تکدے لندن ول نیں، مثالاں ویسٹ منسٹر دی دیندے نیں پر ڈگڈگی جماعت اسلامی دی وجاندے نیں۔اجہی دہری پالیسیاں گاندھی دے دور وچ تے چل سکدیاں سن پر اج میڈیا دے دور وچ ایس نوں چلانا اوکھا ہے سگوں اپنا مذاق بنانا ہی ہے۔
 

متعلقہ خبریں