وه کچن میں کهڑی پیاز کاٹ رہی تهی __ میری آہٹ سن کر مڑی تو میں نے دیکها _ اسکی آنکهیں بلکل سرخ تهیں اور مسلسل آنسو بہہ رہے تهے۔۔۔

میں نے ہمدردی سے پوچها رو رہی ہو؟ ۔۔۔

بهیگی آنکهوں سے ہنستے ہوئی بولی۔۔۔۔

نہیں تو __ پیاز کاٹ رہی تهی بہت ہی کڑوا ہے _۔۔۔۔

 میں نے کہا خالہ امی بلا رہی ہیں رشتہ دیکهنے وه لوگ آ چکے ہیں _۔۔۔

ٹهیک ہے _۔۔۔

اس نے پہلے آنکهیں صاف کیں اور پهر ٹرے میں کولڈ ڈرنک فروٹ وغیره رکھ کر دوپٹہ ٹهیک سے اوڑها اور باہ

میں نے اسکے جانے کے بعد ٹیبل پہ پڑے پیاز کی طرف دیکها جو آدها کٹا ہوا تها باقی آدهے پیاز کو میں کاٹنے لگا __ اور ایک حیرت کا جهٹکا مجهے تب لگا جب پورا پیاز کٹ گیا اور نہ میری آنکهیں جلیں نہ ان میں پانی آیا __ پیاز تو بلکل بهی کڑوا نہیں ہے .. میں نے اسکے قدموں کی آہٹ سن کر مڑ کے دیکها . تو پیکٹ سے بسکٹ نکال کر پلیٹ میں رکهتے ہوئے اسکے ہاتھ ایک لمحے کو رک گئے . اس نے اپنی سرخ آنکهیں میری آنکهوں میں ڈال کر بهیگے لہجے میں دهیرے سے سرگوشی والے انداز میں کہا۔۔۔۔

پیاز تو کڑوا نہیں ہوتا عمر بهائی۔۔۔۔ عورت کی زندگی کڑوی ہوتی ہے.__۔۔

کیا ہوا یار زندگی کو؟۔۔۔۔ اچهی بهلی تو ہے والدین_ بہن بهائی اچهی تعلیم عزت اعلیٰ فیملی زندگی کی ہر سہولت __ پهر یہ زندگی سے گلہ ناشکری نہیں؟ ۔۔۔۔۔

عمر بهائی _ آپ نہیں سمجهیں گے اس نے چائے کیتلی میں ڈالتے ہوئے مایوسی سے کہا۔۔۔۔

تو سمجهاو نا ،میں نے پلیٹ سے بسکٹ اٹها کر منہ میں ڈالتے ہوئے پوچها _۔۔۔

اس نے مجهے پلٹ کر دیکها اور بولی ۔۔۔آپ میرے ساته آئیں . وه چائے لے کر ڈرائینگ روم میں چلی گئی اور میں کهڑکی میں کهڑا اندر کا منظر دیکهنے لگا .۔۔

موٹی موٹی تین عورتیں صوفوں پہ بیٹهی قصایئوں والی نظروں سے نادیہ کو دیکه رہی تهیں میں کمرے سے باہر کهڑا تها مگر وه نظروں کی چبهن مجهے بهی بے چین کر گئی. خالہ بار بار اصرار کر کے انکی پلیٹیں بهر رہی تهیں . سر جهکایے کسی بےجان مورت کی طرح ساکت بیٹهی نادیہ پہ مجهے بہت ترس آ رہا تها .۔۔۔

بہن آپ کے اپنے خاندان میں کوئی رشتہ نہیں ؟۔۔۔

خاتون نے تهل تهل کرتے وجود کو سنبهالتے ہوئے چبهتے لہجے میں سوال کیا . ۔۔۔

خالہ نے سادگی سے کہا جی بہت سے بچے ہیں فیملی میں .۔۔۔

اچها یہ لڑکا کون تها جس نے ہمیں دروازه کهولا . ۔۔۔

وه میرے بارے میں پوچه رهی تهیں . ۔۔۔

الله رکهے بهانجا ہے میرا .سی ایس ایس کیا ہے ابهی۔۔۔۔ انشاالله ٹریننگ پہ جلدی چلا جائے گا _ ۔۔۔

خالہ کے لہجے میں محبت ہی محبت تهی . ۔۔۔

دیکهو بہن اگر خاندان میں اتنے اچهے لڑکے ہیں . تو آپکی بیٹی کے لیے رشتے کروانے والی ماسی کیوں کوششیں کر رہی ہے ؟ ناراض نہ ہونا میں تو سیدهی بات کرتی ہوں۔۔۔۔۔۔

پلیٹوں پہ ہاتھ صاف کرتی موٹی عورت کو اس بات سے کوئی غرض نہیں تهی کہ اسکی ان باتوں سے خالہ اور نادیہ پہ کیا گزر رہی ہے . ۔۔۔

خاندان والوں پہ بیٹیوں کے گن کهلے ہوتے ہیں۔۔ اگر کسی اچهی بهلی نظر آنے والی لڑکی کو کوئی رشتہ نہیں مل رہا  ہوتا خاندان میں تو اسکا مطلب یہ ہے کہ لڑکی میں کچه گڑ بڑ ہے __۔۔۔

نادیہ اڑی اڑی سی رنگت اور کانپتے ہاتهوں سے ٹرے پکڑے باہر نکلی . میری طرف اک شکایتی نظر ڈالی اور کچن میں گهس گئی . خواتین باہر نکل رہی تھیں .۔۔۔

ارے شاہده اتنا خوبصورت اور پڑهالکها بهانجا گهر میں ہے . تو اچهی نہیں ہوگی نا لڑکی اسی لیے تو __۔۔۔

مجھ میں اور سننے کی ہمت نہ رہی اور میں اسکے پیچهے کچن میں آ گیا . وه ہاتھ میں پیاز پکڑے کهڑی تهی اور آنسووں کا اک سیلاب تها جو گالوں پہ بہہ رہا تها. میں نے پیاز اسکے ہاتھ سے لے لیا .۔۔۔

پیاز تو کڑوا نہیں ہے . زندگی کڑوی ہے نا؟ تو یہ زندگی مجهے دے دو __۔۔۔

میں نے اسکے آنسو اپنی ہتهیلیوں پہ سجا لیے . یہ بہت قیمتی موتی ہیں انهیں ضائع نہ کرو .۔۔۔

وه حیرت اور بے یقینی سے مجهے دیکه رہی تهی . اور میں دل ہی دل میں خود کو کوس رہا تها ۔۔۔۔امی کے بار بار کہنے کے باوجود میں نے اس رشتے کے لیے حامی نہیں بهری تهی اور خاندان سے باہر کی رٹ لگا رکهی تهی .حالانکہ شریک حیات کے لیے کسی بهی لڑکی میں جو خوبیاں چاہیے ہوتی ہیں وه سب نادیہ میں موجود تهیں _اورجو میں تھا اور جس مقام پر میں تھا وہاں  بس میں ہی نہیں خاندان کا جو لڑکا بهی میرے جیسے کسی اچهے مقام پہ پہنچتا وه فیملی سے باہر شادی کی ضد لگا لیتا تها .اور اسطرح جانے کتنی لڑکیاں اچهے رشتوں کی تلاش میں لوگوں کے طعنے اور اپنی کردار کشی برداشت کرنے پہ مجبور ہو جاتی ہیں.اور پھر پیاز کاٹنے کے بہانے آنسو بہاتی رہتی تهیں۔۔۔۔۔۔

نوٹ:اگر آپ بھی اپنا کوئی کالم،فیچر یا افسانہ ہماری ویب سائٹ پر چلوانا چاہتے ہیں تو اس ای ڈی پر میل کریں۔ای میل آئی ڈی ہے۔۔۔۔

bintehawa727@gmail.com

ہم آپ کے تعاون کے شکر گزار ہوں گے۔